About — MITRA | Greater Noida ka apna dost

Yeh kyun banaya?

Greater Noida me bahar se aane wale logon ki ek hi shikayat hai — kis taxi waale pe bharosa karein? Kaunsa hotel scam nahi karega? Guide me knowledge hai ya sirf paisa lega? India Expo Mart event ho ya Mathura-Vrindavan darshan, har baar wahi guesswork.

MITRA isi gap ko bhar raha hai. Ek platform jahan har provider Aadhaar verified hai, har price pehle se publish hai, aur har review real customer se aata hai.

Hamara Promise

✅ Verification

Aadhaar + PAN + 2 reference calls + asset photo. Bina iske listing nahi.

✅ Fixed Price

Site pe jo rate likha hai, wahi customer ko milega. Surge nahi, bargain nahi.

✅ Real Review

Sirf actual booking ke baad review request jaata hai. Fake review = provider de-list.

✅ Local Support

Hindi-English dono, WhatsApp pe direct. Pure trip tak hum saath hain.

Founder

Ishant Dubey — Digital Strategy Consultant, Bhopal. 10+ saal ka experience digital marketing, automation, aur small business growth me. MITRA ek personal project hai — Greater Noida ke local providers ko genuine customers se connect karna, aur outsiders ko trust-worthy service dilana.

Coverage Area

Greater Noida — Pari Chowk, Alpha, Beta, Gamma, Delta sectors, Knowledge Park
Outstation circuit — Mathura, Vrindavan, Agra, Delhi NCR
Religious places — Banke Bihari, ISKCON, Prem Mandir, Akshardham, Lotus Temple, Garhmukteshwar
Airport pickup/drop — IGI (Terminal 1, 2, 3)

Aap ka kya role hai?

Aap MITRA pe book karte hain → MITRA ek verified provider connect karta hai → aap service use karte hain → review chhodte hain. Bus.

Hum aapse koi extra paisa nahi lete. Provider ka rate wahi hai jo site pe likha hai. Hum sirf provider se ek small commission lete hain (jo wo apne price me already include karte hain).

WhatsApp pe Baat Karein →

MITRA ke baare me